காலை வழிபாட்டுச் செயல்பாடுகள் - 18-12-2019 - T. தென்னரசு

காலை வழிபாட்டுச்  செயல்பாடுகள்

18-12-2019

🌸🌸🌸🌸🌸🌸🌸🌸🌸

இன்றைய திருக்குறள்

குறள்எண் - 735

அதிகாரம் : நாடு

 பல்குழுவும் பாழ்செய்யும் உட்பகையும் வேந்தலைக்கும் 

 கொல்குறும்பும் இல்லத நாடு.

பொருள்: 

பல வகை மாறுபடும் கூட்டங்களும், உடனிருந்தே அழிவு செய்யும் பகையும், அரசனை வருத்துகின்ற கொலைத் தொழில் பொருந்திய குறுநில மன்னரும் இல்லாதது நாடு.

🌸🌸🌸🌸🌸🌸🌸🌸🌸

பொன்மொழி

ஆசை என்னும் சங்கிலி இருக்கும் வரை பிறவி என்னும் சங்கிலியும் மனிதனைத் தொடர்ந்து கொண்டே இருக்கும்.

 - சுவாமி விவேகானந்தர்

✡✡✡✡✡✡✡✡
பழமொழி  

A constant guest is never welcome

விருந்தும் மருந்தும் மூன்று நாளைக்கு

🔱🔱🔱🔱🔱🔱🔱🔱

Important  Words

1. Dunce -  மடையன், முட்டாள்

2. Dung - சாணம்

3. Dwarf - குள்ளன், குட்டை 

4. Dwelling - வசிப்பிடம்

✍✍✍✍✍✍✍
பொதுஅறிவு

1. முதலில் உலகப்படத்தை வரைந்தவர் யார் ?

 இராடோஸ்தானிஸ்

2. செயற்கை மழையைக் கண்டுபிடித்தவர் யார் ?

 இர்வின் லாங்மூர்

📫📫📫📫📫📫📫📫
விடுகதை

1. நீள வால் குதிரையின் வால், ஓட ஓடக் குறையும் , அது என்ன?

 தையல் ஊசியும், நூலும்

2. கண்ணால் பார்க்கலாம், கையால் பிடிக்க முடியாது, அது என்ன ?

 நிழல்

✡✡✡✡✡✡✡✡
Daily English

1. I am tired of my work

2. The boy began to cry

3. I'm ready for breakfast

🌿🌿🌿🌿🌿🌿🌿🌿🌿🌿🌿🌿🌿

அறிவோம்! கூறுவோம் !

மஞ்சள்

🍠 மஞ்சள் ஒரு வெப்ப மண்டலப்பயிர் ஆகும்.

🍠 தண்டில் உள்ள முளையிலிருந்து கிளைத்து, மண்ணுக்குள் செல்லும் நீண்ட வேர்தான் மஞ்சள் கிழங்கு.

🍠 இது இந்தியாவின் மிகப் பழமையான நறுமணப் பொருளாகும். இதனை இந்துக்கள் சடங்குகளின் புனிதப் பொருளாக உபயோகிக்கிறார்கள்.

🍠 மஞ்சள் தமிழ் நாட்டில் ஆயிரம் ஆண்டுகளுக்கு முன் சித்த மருத்துவத்தின் பிரதான பகுதியாக பயன்படுத்தப்பட்டது.

🍠இது முதலில் வண்ணச் சாயம் எடுப்பதற்காகவே பயன்படுத்தப்பட்டது.

🍠தமிழகத்தில் மற்ற மாவட்டங்களைக் காட்டிலும் ஈரோடு மாவட்டத்தில் அதிகளவில் விளைகிறது. இதனால் ஈரோட்டிற்கு மஞ்சள் மாநகர் என்ற பெயரும் உண்டு.

👴👴👴👴👴👴👴👴👴👴👴👴
இன்றையகதை

பொறாமை கொண்ட இளைஞன்

துறவி ஒருவர் ஆஞ்சநேயர் மீது பக்தியுடன் வாழ்ந்து வந்தார். தினமும் பக்தர்களுக்கு ராமாயணக் கதை சொல்வது அவரது வழக்கம். அவர் மீது பொறாமை கொண்ட இளைஞன் ஒருவன் ஊருக்குள் சென்று துறவியின் ஒழுக்கத்தைப் பற்றி அவதூறான விஷயங்களைப் பரப்பினான். சிலர் இதை நம்பவும் செய்தனர். காலப்போக்கில், அவனுக்கு பல கஷ்டங்கள் வந்தன. துறவியைப் பற்றி அவதூறு பரப்பியதால் தான், இவ்வாறு தனக்கு நிகழ்கிறது என உறுதியாக நம்பியவன். துறவியிடம் சென்று மன்னிக்குமாறு வேண்டினான். துறவி இளைஞனிடம், நான் சொல்வதைக கேள். 

வீட்டுக்குச் சென்று நீ ஒரு தலையணையை எடு அதைக் கிழித்து நாலாபுறமும் பறக்கவிடு. பிறகு என்னிடம் வா! என்று அனுப்பினார். துறவி சொன்னதை அப்படியே செய்து விட்டு ஓடி வந்தான் இளைஞன். பஞ்சைக் காற்றில் பறக்க விட்டேன் சுவாமி அடுத்து வேறென்ன நான் உங்களுக்குச் செய்ய வேண்டும் என்றான் இளைஞன். பறக்க விட்ட பஞ்சு முழுவதையும் ஒன்றாக்கி கொண்டு வா என்றார். இதுகேட்டு திகைத்து நின்ற இளைஞனிடம், தம்பி காற்றில் பறந்த பஞ்சைப் போலவே, யாரையும் பழி சொல்வது எளிதான விஷயம். 

ஆனால், அதை மீண்டும் சரி செய்து நல்லெண்ணத்தை உருவாக்குவது என்பது முடியாத காரியம். எப்போது செய்ததை எண்ணி வருந்தினாயோ அப்போதே மன்னிக்கப்பட்டு விட்டாய். இனி நல்லவனாகத் திருந்தி வாழ், என்று சொல்லி அனுப்பி வைத்தார். 

நீதி :

யார் மீதும் பழி சொல்வது எளிதான விஷயம், அதைப் போக்குவது கடினம்.

🌿🌿🌿🌿🌿🌿🌿🌿
தொகுப்பு:
T.தென்னரசு. ஊ.ஒ.ந.நி.பள்ளி, காட்டூர், திருவள்ளூர் மாவட்டம்.
🌿🌿🌿🌿🌿🌿🌿🌿

செய்திச்சுருக்கம்.

🔮பாகிஸ்தான் சிறுபான்மையின மக்கள் 72 வருடங்களில் திட்டமிட்ட முறையில் வெளியேற்றம்; இந்திய அரசு குற்றச்சாட்டு.

🔮நிலம் மற்றும் காற்றில் இருந்து பறந்து சென்று இலக்கை அடையும் இரு பிரமோஸ் ஏவுகணை பரிசோதனை வெற்றி பெற்றுள்ளது.

🔮டெஸ்ட் கிரிக்கெட் பேட்ஸ்மேன்கள் தரவரிசையில் இந்திய கேப்டன் விராட்கோலி நம்பர் ஒன் இடத்தில் தொடருகிறார்.

🔮தென்னாப்பிரிக்காவில் உள்ளதுபோல் மாநிலத்தில் 3 தலைநகர் அமைக்க அவசியம் உள்ளது: ஆந்திர சட்டப்பேரவையில் முதல்வர் ஜெகன்மோகன் பேச்சு.

🔮சென்னை ஐஐடியில் ராணுவ தளவாட பொருட்கள் கண்காட்சி : உபகரணங்கள், துப்பாக்கிகள் உள்ளிட்டவை காட்சிக்கு வைப்பு.

🔮ஐ.நா., : ஐ.நா.,சபையில் காஷ்மீர் விவகாரம் குறித்து விவாதிக்க வேண்டும் என சீனா  கொண்டு வர இருந்த கோரிக்கையை வாபஸ் பெற்றது.

HEADLINES

🔮Hindu political party registered in South Africa, claims to be voice of minority.

🔮Pervez Musharraf sentenced to death by Pakistan court for high treason.

🔮Reservation counters witness heavy rush much ahead of Sankranti.

🔮Marnus Labuschagne picked in Australia ODI squad for India tour.

🔮After a brief dip, onion prices surge again to Rs 100-120 per kg in Chennai.